Князь Игорь Черниговский.

Святой князь Игорь пострадал от своих соотечественников в период междуусобиц в ХI веке, за что носит титул страстотерпца.
Князь Игорь Ольгович был правнуком Ярослава Мудрого, как и князь Изъяслав Мстиславович. Между ольговичами и мстиславовичами шла распря из-за того кому править Киевом. Князь Игорь законно взошел в 1146 г. на Киевский престол и получил от киевлян клятву верности перед крестом. С этим был не согласен Изъяслав и с войском выдвинулся для получения Киева, произошло сражение с Игорем, но киевляне изменили князю Игорю. Проиграв Игорь очутился в болоте где находился 4 дня, затем его взяли в плен. Сразу его заключили в поруб — строение из бревен без окон и дверей, находясь где Игорь тяжело, почти смертельно заболел, что стало причиной освобождения из поруба. Далее Игоря постригли в монахи и заключили в Киевский Федоров монастырь.
Игорь Черниговский. Худ. А. Шишкин
Однако Игорь излечился. Через год подозрение киевлян в опасности Игоря выросло до такой степени, что толпа ворвалась в монастырь и требовала Игоря. Разъяренные не слушали в защиту ни его брата князя Владимира, ни слов митрополита и убили Игоря, который в свою защиту только молился перед иконой Богородицы. Ярость дошла до такой степени, что уже мертвого его привязали к лошади и влачили по улице.
Однако сам Бог прославил Игоря, над положенным перед погребением в монастыре телом сами зажглись свечи. Через 5 лет мощи князя Игоря были положены в Чернигове и находятся не обретенными в Спасском соборе Чернигова. Так же улица по которой влачили многострадальное тело в Киеве сейчас называется Игоревской.

Канон страстотерпцу князю Игорю Черниговскому. 

Песнь 1
Ирмос: Воду прошед, яко сушу, и египетскаго зла избежав, Израильтянин вопияше: Избавителю и Богу нашему поим.
Воду нечестия тименну оставив, к воде чистительней притекл еси, святе Игорю, и наша очисти сердца чисто пети твоя страдания.
Водою крещения омывся, первороднаго греха избавился еси и Чистому Владыце Христу присвоился еси, Емуже и нас чисто присвой молитвами твоими.
В воде потопившему змия лукаваго подобяся, кровию твоею страдальческою вражию погрузил еси силу, страстотерпче, от негоже и нам избавитися Спаса умоли.
Богородичен: Воду слез очищающую, Пречистая, подаждь ми и, очистивши мя от кала беззаконий, чиста представи, Богородительнице, Сыну Твоему и Богу.
Песнь 3
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Небеснаго круга Верхотворцу все житие свое отдав, возлюбил еси Того до конца; сподоби и нас молитвами твоими, страстотерпче, любити Господа до конца дней наших.
Небесныя жизни желая, в земнeм житии твоем вся пренебрегл еси; сподоби и нас, святe, молитвами твоими Небесныя жизни сподобитися.
Небеснаго чертога желая, чистоту девства твоего соблюл еси и ныне с девственники в Небесных чертозех ликуеши.
Богородичен: Небеснаго Творца, Богородице Всепетая, рождши, небес пространнейшая явилася еси; мене от пространнаго пути погибельна уклоньши, на Небесный путь настави, молюся.
Кондак праздника, глас 4. Самоподобен:
Вознесыйся на Крест волею, тезоименитому Твоему новому жительству щедроты Твоя даруй, Христе Боже, возвесели нас силою Твоею, победы дая нам на сопостаты, пособие имущим Твое оружие мира, непобедимую победу.
Икос:
Иже до третияго Hебесе восхищен бысть в рай и глаголы слышав неизреченныя и Божественныя, ихже невозможно языки человеческими глаголати, что Галатом пишет, яко рачителие Писаний прочтосте и познаcте: мне, глаголет, хвалитися да не будет, токмо во едином Кресте Господни, на немже, страдав, уби страсти. Того убо и мы известно держим, Крест Господень, хвалу вси: есть бо нам спасительное сие Древо, оружие мира, непобедимая победа.
Седален святаго, глас 5:
Добродетельными светлостьми просвещаем и мучения светом украшаем, паче солнца, премудрe, сияеши тверде и просвещаеши воистину творящих верно память твою светоносную, преславный страстотерпче Игорю, спасай молитвами твоими.
Песнь 4
Ирмос: Услышах, Господи, смотрения Твоего таинство, разумех дела Твоя и прославих Твое Божество.
Услышав, Игорю, Небеса поведающа славу Божию, на земли Бога славити возжелел еси, Егоже славы и нас сподоби.
Услышав, яко врази твои восташа на тя, не убоялся еси свирепства их, но кротце в руце их скверныя вдался еси, Господеви взывая: не постави им греха сего.
Услышав прещения вражеская и муки от них терпя, непоколебим пребыл еси, и мене непоколебима в добродетелех сотвори.
Богородичен: Услыши, Пречистая Владычице, моление мое, и избави мя от зол, и глас, благословенных призываяй в Царство, слышати удостой.
Песнь 5
Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Просветив стезю жизни твоея светом богоразумия, Христа Господа вседушне возлюбил еси; сподоби и мене, страстотерпче, в сих быти тебе подражателю.
Просвещахуся вернии людие, видяще тя, нестерпимыя муки добльственне терпяща, сподоби и мене, страдальче, быти терпеливу.
Просвети мя, о Игоре, омраченнаго мглою греховною, и светом невечерним осияватися, светлый мучениче, молюся, сотвори.
Богородичен: Просветила еси потемненное естество, Богородице, Свет Истинный рождши, темже и мене Светом просветивши, от мрачных враг свободи.
Песнь 6
Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.
Молитву твою страдальческую услышав, Христос, Игорю, крепость и силу ко страданиeм тебе подаде; сподоби и мя молитвами твоими в страданиих житейских быти тверду.
Молитвою пред образом Пречистыя себе укрепив, изшел еси ко врагом твоим, ищущим тя, и, яко агнец незлобив, пострадал еси от них, неправедно умерщвляем.
Молитву всяк приносяй ти с верою, страдальче, душевных страстей и телесных исцеление скоро приемлет; еже и нам богатно подавай, молимся.
Богородичен: Молитву нашу приими, Пречистая, и молитвою Ти всемощною избавити нас враг видимых и невидимых, от грехов же и всякия муки моли, Егоже родила еси, Человеколюбца Бога.
Кондак, глас 6:
Изменил еси земнаго княжения славу во иночества образ смиренный и, страдальчески земное житие скончав, ныне на Небесех радуешися, усердне моляся о чтущих тя, Игорю, страдальцев похвало.
Ин кондак, глас 8:
Княжескую диадиму обагрил еси кровию твоею, богомудре страстотерпче Игорю, за скиптр крест в руку приим, явился еси победоносец и жертву непорочну Владыце принесл еси себе. Яко бо Агнец незлобив, от раб убиен был еси и ныне радуяся предстоиши Святей Троице, моли спастися душам нашим.
Песнь 7
Ирмос: Отроцы еврейстии в пещи попраща пламень дерзновенно и на росу огнь преложиша, вопиюще: благословен еси, Господи Боже, во веки.
Дети еврейская Ангел от огня неопальна сохранивый, и тебе, Игорю, во страдании укрепи, поюща: благословен еси, Господи Боже, во веки.
Детское игралище вменяя муки, не пощадил еси тела твоего, но страсти мужественне терпел еси, поя: благословен еси, Господи Боже, во веки.
Детем мучимым подражая, Игорю, хвалю и аз Христа, давшaго тебе крепость; ты же мя, на подвиг добродетелей укрепив, сподоби пети с тобою: благословен еси, Господи Боже, во веки.
Богородичен: Детородию Твоему, Девe и по Рождестве пребывшeй, дивлюся, Богородице. Удиви убо и на мне милость Сына Твоего, да помилован Тобою, пою: благословен еси, Господи Боже, во веки.
Песнь 8
Ирмос: Победители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.
Победитеть явился еси, славне Игорю, врагов, мучащих тя, ибо в лютых муках стражда, непрестанно взывал еси: благословите, вся дела Господня, Господа.
Победил еси мужеством твоим, страстотерпче славне Игорю, вся мучительская ухищрения. Моли убо Владыку Христа, молим тя, всем верным на враги победу дати, поющим: благословите, вся дела Господня, Господа.
Победитель жестокосердых убийц явился еси, славне Игорю, они бо Небесным огнем во адский огнь низведошася, ты же на Небо возшел еси, идеже ныне со Ангелы поеши: благословите, вся дела Господня, Господа.
Богородичен: Победи, Пречистая, врагов видимых и невидимых, низложити нас тщащихся, и страстей мя всяких избави, да пою торжественнe: благословите, вся дела Господня, Господа.
Песнь 9
Ирмос: Воистину Богородицу Тя исповедуем, спасеннии Тобою, Дево Чистая, с безплотными лики Тя величающе.
Воистину Бога исповедуя, страстотерпче, чертог Небесный наследовал еси, егоже и нас сподоби, да с тобою Христа вечно величаем.
Воистину на тебе, Игорю блаженне, исполнися Христово проречение: вся претерпевый до конца спасен будет, ныне бо со всеми спасенными Христа вечно величаеши.
Воистину никтоже притекаяй к тебе, страстотерпче, тощ благодати твоея отходит, eяже и мене исполни, да тя величаю.
Богородичен: Воистину истиннаго Бога плотию, Богородице, родила еси, Егоже милостива нам в день Суда соделай, да безконечно с Ним Тя величаем.